~¤ô¦¦§¦¦ô¤~ كـيـف تـتـعـامـلـيـن مـع زوجـك فـي مـخـتـلـف حـالاتــه ~¤ô¦¦§¦¦ô¤~

السلامـ عليكمـ

كل بنت في الدنيا بتحلم ببيت سعيد وجميل

وكمان بتكون عاوزه ان جوزها يكون دايما محتاجلها ومايقدرش يبعد عنها

في حاجات كتير بسيطه جدا وصغيره ممكن تعمليها

تقدري تخلي حياتك بيها زي ما تحبيها




اوقات كتير بعد الجواز هتلاقي جوزك بيرجع من بره وهو في عدة حالات مختلفه


يوم عصبي ويوم محبط ويوم مضايق ..... الخ

ازاي ممكن تتصرفي معاه في الوقت ده ؟؟

وازاي تقدري تتعاملي مع كل حاله يكون فيها بطريقه تسيطري بيها ع الموقف

وتخليه يرجع لحالته الطبيعيه ؟؟

وفي نفس الوقت يزيد حبك في قلبه!!!

وده اللي هنتكلم عنه دلوقتي


خــــــــايـــــــف

لو رجع يوم من بره وحسيتي انه جواه شوية احساس من الخوف

خوف على حد من اهله او اصحابه او خوف في عمله

حطي ايدك ع طول على ضهره وامسحي عليه بقوه ,, وابدئي اتكلمي معاه بهدؤ

هتلاقيه على طول اتطمن


مــــــــــحـــــــبــــــط

لو في يوم رجع وهو محبط و حاسس بالفشل

امسكي ايده واضغطي عليها بين كفوفك

أو حطي ايدك ع ركبته...اذا كان قاعد...


مــضـــايــــــق وحـــزيــــن

لو رجع البيت وهومتضايق وفيه حزن

حطي يدك ع كتفه وطبطبي عليه...



ثــــقـــــتـــه بــــنــــفــــســـه مـــهـــزوزه

اذامر بموقف ( يهز ثقته )
أي موقف حسيتي ان ثقته انهزت منه
حطي ايدك ع راسه...وحركي أصابعك بين شعره...


مــــحـــــتـــــاج اهــــتــــمــــــام

اذاحسيتي في يوم انه محتاج عاطفة
والعاطفة اللي أناأقصدها هي عاطفة الاهتمام...وانه حاسس انك مقصرة معاه
حطي يدك ع صدره


عــــــــــصــــــــبـــــــــي

اذاكان متعصب ومتنرفز
لااااااااااااااا تلمسيه أبدا.....وبصي لعينيه ...عشان تقدري تديري تصرفاته
وابدأي كلميه بصوت هادي ونبرة متوازنة...ووقت ماتكلميه اقعدي ع الأرض...وأطلبي منه يقعد هو كمان معاكي ع الارض
لو قعد ابدأي كلميه واتفاهمي معاه...
طبعا ده أمر رسولنا الكريم
دلوقتي اكتشفوا في أوروبا ان الانسان اذا كان متنرفز وقعد...الدورة الدموية عنده تبطأوالضغط ينخفض ويبدأ الشخص يهدأ وضربات القلب تهدأ......بسبب الفرق من الجاذبية الأرضية...وانحناءات الجسم...
سبحان الله ( لاينطق عن الهوى)...

طبعا حد دلوقتي يسألني سؤال مهم
ليه اخترنا الأماكن دي بالتحديد ومش اخترنا اماكن غيرها ؟؟


انا هقولكم الاجابه ليه،،،،،

لو حطيتي ايدك ع ظهر أي شخص هيحس انه في حد معاه وانه له سند بالدنيا...

والايدين فيها دعم وتشجيع لأن أفعال الانسان تكون بالايد أو الرجل....فاذا لمستي الركبة والكف هيحس بالتشجيع

الكتف....فيه مواساة...............عشان كدا كان أنسب مكان للمواساة...

طيب الراس؟؟؟
دايما يقولوا تاج راسي....واللي معتز بنفسه يقول راسي مرفوع....فعشان كدا كان لمس الراس والشعرفيه بناء ثقة

اما الصدر فمعروووووووف انو مكان لكل الاحاسيس والمشاعر...لمسه يعرف بيها انك تحبيه بدون ماتتكلمي اي كلمه...


نتكلم شويه عن لغة العيون بين الزوجين




معروف انه أقوى تواصل بين أي شخصين...هو العيون....

ومنها نقدر نقول كلام...مانقدرش ننطقه بالواقع...او أصلا مانعرفش نقوله....

طيب ايه علاقتها بموضوعنا وكلامنا ده؟؟؟؟؟؟؟؟؟

اذا حسيتي ان جوزك عاوز يعترفلك بشي مخجل....وحسيتي انه خايف أو محرج يقوله
ماتبصيش لعينيه ....حاولي تتجاهلي انك تركزي فيهم...عشان يلاقي الجرأة بالاعتراف والكلام...
لكن لو بصيتي في عينيه...هتلاقيه يرتبك ويتلكك ولسانو يتربط وممكن مايكملش الكلام
وبعد مايحكيلك...هتلاقيه يتجنب يبص لعنيكي.....وشويه شويه يتجنب يتكلم ويقعد معاكي...

لكن...
اذا كان عاوز يقولك ع حاجه مش مخجله ولا حاجه...
مجرد اعتراف بمشكلة بيمر فيها (مثلا)...ركزي في عيونه...لأن هي النظرة دي اللي هتديله التشجيع وانك مهتمة للكلام اللي عاوز يقوله...

اتمنى اني اكون قدرت اوصل معلومه جديده لكل بنت مقبله ع الزواج او كل امرأه متزوجه

ويكون حد استفاد ولو بكلمه واحده من كل الكلام اللي قولته
علشان نقدر نوصل لبيت سعيد مليان حب وتفاهم